أرض تزهر أمجاد وفخر 🇸🇦
يشهد التاريخ على شموخها، ويعيش الحاضر فجر أحلامها وعلى رؤيتها وقيادتها وعزم شعبها.. يراهن المستقبل عام بعد عام
في يوم تتوشّح الحياة بالأخضر، مُعلنة أن الفخر واجب وطني والتباهي حق مشروع
ساري يفخر في أبناءه وبناته 💚
الناس اللي عمّرت وأسست، وبنت قطاع تجاري واعد يحتضن تجارب مبتكرة.. في اليوم الوطني السعودي نقولكم: جهودكم ما راح ننساها لأنها تبني اقتصاد هذا البلد وتساهم في نهضته، وشركات مثل ساري هي بالأصل تقوم على يد أبنائها!
فيصل البيحاني، الشغوف اللي ما يوقف في طريقه أي تحدي. آمن برؤيتنا وسعى لتحقيقها من نقطة الصفر، انطلق من ساري جدة بفريق مكون من ثلاث أشخاص، وتوصيل 10 طلبات في اليوم بس إلى أن بنى فريق عظيم يشتغل ليل نهار، وكان القائد لأسطول بأكثر من 55 سائق و23 موظف، و صرنا بفضل الله وجهودهم قادرين على توريد أكثر من 1000 طلب في السعودية.. وكمّل مشواره وتوسع بفريق عملياتنا إلى مكة والطائف والقصيم والمدينة والأحساء.
الوطن يقوم على يد بنته راويه اللي في كل يوم تسهل على مشاريعه أنهم يبيعون ويشترون أكثر من 5 آلاف منتج بتفاصيل ومعلومات دقيقة وواضحة.
الوطن يفخر في عياله اللي كل يوم يصنعون جودة في المنتجات، تطوّر في التجربة، إبداع بالتصميم، مواكبة للتغير وفهم لاحتياجاته وصناعاته
خالد العيسى اللي أثبت أن شباب هالوطن هم اللي يصنعون الفرص. من متدرب صغير إلى مدير كبير ولاعب أساسي ما نستغني عنه.. وبجهوده في تأسيس اللايت هاوس يمتد أثره كل يوم على شغل كل واحد فينا
الوطن يكبر ويزدهر على يد عبود الغامدي، بوصلة النمو اللي زار أكثر من 350 عميل عشان يسمع منهم مباشرة وش اللي يحتاجونه، ويحسن تجربتهم ويوفّر لهم حلول حقيقة تحلّ مشاكلهم وتسهل تجارتهم.. حلّل واستنتج وجرّب وعكسها على تفاصيل التفاصيل إلى أن ساهم في تشغيل الأحساء بشكل ذاتي وصنع لنا تجربة ناجحة نقدر نعممّها ونطوّرها على كل مدن السعودية!
الوطن يقوم على مواليده.. اللي في هالأرض لهم بصمتهم
جيمي اللي في كل ثانية بيومه يزيدنا ربحية إلى أن صارت ساري في مقدمة صفوف الشركات السعودية.
على باسم جسر الوصل بيننا وبين عملائنا، اللي أشرف على أكثر من 14 مندوب انطلق لتجار الشرقية من شرقها إلى غربها، وشمالها إلى جنوبها.
الوطن يقوم على عبدالرحمن طه اللي يساهم برقمنة سوق تقليدي، يدل ويرشد ويمسك بيد كل مورّد.. ويعلمه كيف يخدم عملائنا بالجودة اللي ترضيهم، وتزيد من هامش ربحنا.
تدرون وش اللي يعمّر هذا الوطن؟
تآزركم يوم توقّف حركة العالم مع كوفيد 19، على ذاك الموظف اللي كان بالصفوف الأمامية وفي عز نهار رمضان تحمّل المسؤولية، واستمر يلبي احتياجات مجتمعه رغم كل الإجراءات الاحترازية..وكنتم وقت الشدة جاهزين!
على اللي اطلقوا الهوريكا خلال 7 شهور وفي 15 يوم بس جهزوا كارفور.. الوطن يقوم على اللي حرصوا أن مشاريعه تكون نظامية وضبطوا الفوترة الإلكترونية على اللي سهلوا الحلول المالية، وبذكاء أعادوا ابتكار طرق تقليدية!
فخورين بجهودكم اللي تضمن لكل أسرة وبيت سعودي منتجات أصلية طريقها واضح ومعروف، اللي تقضي على التستر التجاري، وتساهم في خلق وظائف وبناء حياة كريمة لمشاريع هالوطن وشعبه وسكانه..
جهودكم تبني نهضة ريادية، مشاريع تجارية، تنمية سياحة و اقتصاد واعد!
الوطن يعتمد عليك غدير، ندى، صادق، التنم، سليم، بسمه، نادر، رزه، شيكو..
الوطن يعتمد عليكم جميع 🇸🇦
