تجربة
فرد وسمعت عن التوريد مع ساري بالجملة؟ أكيد جا ببالك تجرّب تطلب أو تسأل إذا التطبيق يسمح بطلبات الأفراد. في الواقع حنا كنّا نخدم قطاع الأفراد وهنا كانت بداية ساري .. في السنة الأولى قررنا نجرب نخدم صاحب السلة الكبيرة، سواء كان فرد أو صاحب مشروع. كانت التجربة فريدة فمرة يطلب مننا صاحب بقالة، ومرة تجينا طلبات لمقاضي بيت! استمرينا بخدمة القطاعين، وبنفس الوقت كنا ندرس نتائج تقديم خدماتنا لهم، ومدى استفادة القطاعين منها، لقينا الكثير من الزملاء في الوسط يقدمون نفس الخدمة للأفراد، وكانت المنافسة كبيرة. بينما قطاع الأعمال ما كان عليه التفات عالي فكان بعيد عن التقدم التقني والتطوّرات السريعة في المجال، وكان يحتاج إلى الكثير من الخدمات اللي تساعد في نموّه ومواكبته للتطوّر
وبعد دراسة القطاعين، وخوض التجربة فيهم، أيقنّا بحاجة قطاع الأعمال لحل تقني رائد يدعم النمو السريع في الخدمات التقنية لتطوير القطاع. ومن ذيك اللحظة قررنا في ساري التركيز على قطاع الأعمال، وصب الجهود لتطوير القطاع وتقديم الخدمات التقنية اللازمة لإنجاح سلسلة التوريد، وحتى يومنا هذا وبالشراكة مع مورّدينا في القطاع نسعى لتقديم الحلول التقنية الرائدة لأصحاب الأعمال
صعوبات تواجه أصحاب الأعمال
دخلنا عالم الأعمال، وبدينا بالبحث عن مشاكله لإصلاحها. كان فيه ثغرة كبيرة في القطاع تحتاج إلى حل سريع وتدخّل تقني ذكي يسد الفجوة. ولقينا إن سلسلة التوريد لأصحاب المنشآت الصغيرة والمتوسطة تواجه الكثير من المشاكل حتى يومنا الحالي. مثل صاحب المطعم اللي حريص على جودة منتجاته، لكن ما يضمن جودة تخزين الأطعمة والمنتجات! أو راعي البقالة اللي ودّه ما تفضى رفوفه ولا ينقص زباينه شيء! أو مؤسس مشروع جديد، ووده يضمن سلسلة توريد تخدمه وتسهّل عليه. القطاع يحتاج تدخّل فعلًا! وبدينا من الخطوة الأولى قربنا أكثر من أصحاب الأعمال، سمعنا منهم وفهمنا حاجتهم
لقينا مشاكل مالية كان سببها الأول الفواتير وطريقة تنظيمها، ومشاكل تأخير في طلبات العملاء اللي كان صعب على راعي البقالة توفيرها، لأنه ما يضمن المناديب! ركّزنا على النقاط اللي تحتاج تطوير ودعم وما زلنا نطوّر في خدماتنا عشان نلبّى رغباتهم ونساعد مشاريعهم تكبر…
تركيزنا على أصحاب الأعمال والمشاريع يوم عن يوم يكبر وتزيد المسؤولية على حِملنا. المشاريع في تزايد ونمو سريع، والقطاع يحتاج إلى تغطية تقنية واسعة تضمن احتياجه
التقنية حل!
في السنين الأخيرة توجّهات المملكة زاد اعتمادها على التقنية، حقّقت نجاحات ونهضة تقنية قلبت موازين الكثير من الجهات الحكومية والمؤسسات، ابتكرت أساليب غيّرت مفاهيم الإجراءات التقليدية، طوّرت عمليات كانت تأخذ أيام ويمكن أسابيع لإنجازها! وصار واجب على القطاعات الخاصة أن تسلك مسلك الحكومة في النهضة التقنية، رقمنة القطاعات هي الخطوة اللي تأخذ بيد المشاريع للتطور والنمو. اليوم في ساري سهّلنا عليك التوريد بحلول تقنية ذكية تختصر عليك المشاوير وبدون تعقيدات!
خدماتنا
بدال حوسة الفواتير اللي كانت تضيّع أهم عملياتك المالية، والمكالمات اللي طالت مع المناديب عشان توصّف لهم مكانك، ومشاكل التوريد وصعوبة ضمان توفّر منتجاتك، وكثير من الخطوات تراها عندنا بضغطة زر!
نسهّل عليك التوريد ونجمع لك حلول التوريد الذكية بمكان واحد. فواتيرك السابقة تقدر تراجعها بوقت واحد ومن جوالك بس، حتى مكان محلّك اللي وثقته بالتطبيق؟ ندلّه ونجيب منتجاتك لين عندك
صاحب مشروع و تبي أحد يورد لك؟ جرّب ساري
